Centro de Empresas OBANCA 

El Centru d'Empresas d'Oubanca ta nuna parcela de 1.298 m²  del Ilmu. Conceyu de Cangas del Narcea que s'asitia no Polígonu Industrial d'Oubanca.

El centru ta distribuíu d'esta manera: 

• Semisuétanu: Con una superficie de 164,36 m² nel que s'estrema: la cafetería-restorán, los baños ya la cocina. 

• Pisu baxu: Destináu al arriendu de naves. Cunta con cinco naves con superficies ente 53 ya 82 m² equipadas cadaguna d'el.las con altu pa oficina, vestuariu ya bañu completu, amás d'un contador individual d'enerxía eléctrica, calefacción ya augua, toma de teléfonu ya rede, alarma ya instalación contra incendios. 

Primer Pisu: Tien una oficina alministrativa ya de xerencia del centru, el viveiru d'empresas, una sala de conferencias ya baños.

• Segundu Pisu: Espaciu destináu al arriendu. Cunta con once oficinas d'ente 12 ya 33  m² todas cona moblame básica, amás de contador individual d'enerxía eléctrica ya calefacción, toma de teléfanu ya rede, alarma ya apertura automática de puertas. No mesmu pisu tán la sala de reguniones ya los baños. 

Al tiempu'l Centru d'Empresas pon a la disposición de las empresas con agospedamientu aiquí varios servicios d'usu común de baldre: fotocopiadora, fax, plastificadora, cizalla, encuadernadora, trituradora de papel, escáner, proxector, TV, vídeo ya DVD.